Li her deverê berxwedan e…

Artêşa Tirk a dagirker di 9‘ê Cotmehê de dest bi êrîşan li ser herêmên Bakur û Rojhilatê Sûriyê kir. Di êrîşan de her çekên giran û balafiran bi kar tînin. Rêveberiya Xweser a Bakur û Rojhilatê Sûriyê û Hêzên Sûriyeya Demokratîk li dijî êrîşan banga seferberiya giştî kirin.

Li ser vê yekê pêkhateyên herêmê çek hilgirtin û warê xwe diparêzin.

Bajarê Qamişlo yê herêma Cizîrê bi dehan topban hate hedefgirtin. Di encamê de zêdeyî 4 sivîlan şehîd bûn, di nav de zarokek hebû.

Li her kolanek ji kolanên bajarê Qamişlo berxwedanî tê meşandin. Ciwan nobeda parastina digirin û hin din jî xwînê didin birîndaran.

Abdullah  Şêx Hesen destnîşan kir ku ew wek şêniyên bajarê Qamişlo êrîşî tu kesî nekirine û wiha domand: Em şêniyên vê axê yên resen in, me rojekê êrîşî kesekî nekiriye û em pê jî nefikirîn. Lê eger kesek êrîşî me bike ji mafê me ye ku em û herêmên xwe biparêzin.

Hesen bang li tevahiya şêniyan û ciwanan kir ku dakevin taxan da ku bajarên xwe ji êrîşa ku qirkirina gelê Bakur û Rojhilatê sûriyê armanc dike biparêzin.

Abdullah Yusif ê ji navçeya Til Hemîsê bersîv da banga Rêveberiya Xweser û Hêzên Sûriye Demokratîk û got: "Em ê ax  û gelê xwe biparêzin û em nahêlin Erdogan derbasî herêmên me yên ku bi xwîna şehîdan ji terora DAIŞ`ê rizgar bûye bibe. Sûriyê ne ji bo terora Erdoganî ye."

Aldar Mecîd ciwanek ji Hesekê ya herêma Cizîrê ye çek rakir û hat bajarê Qamişlo û wiha got: "Ez hatim ax û welatê xwe li dijî êrîşa Tikriyê biparêzim. Em ji Erdogan natirsin. Bi hevgirtina şervanên Hêzên Sûriye Demokratîk û YPG û tevahiya pêkhateyan em ê ji wê zulmê xilas bibin û li hember êrîşa Tirkiyê em ê bibin pirek xurt. Parastina axa xwe ji mafê me yê rewa ye."

(şx)

ANHA