‘Mezintirîn cejn vegera li Efînê ye’

Di encama topbaran û degirkirina dewleta Tirk di 18`ê Adarê de, şêniyên Efrînê neçar man ji malên xwe derkevin û di kamp û malên wêrankirî de bi cih bibin. Lê tevî vê yekê bi vîna xwe kêfxweşî li van herêmên ku di encama kiryarên çeteyên DAIŞ`ê û dagirkeriya Tirk de hatin valakirin, vegerandin.

Tevî êş û azarên şêniyên Efîrnê yên li van herêman bi cih bûne, amadekariyên cejna Qurbanê dikin.

Bazara ku ji aliyê şêniyan ve hatiye vekirin, qerebalixê dibe, li milekî cil, şêranî û li milekî din jî qurban tên kirîn.

Hemwelatiya bi navê Emîna Henan hêviya vegera li Efînê anî ziman û wiha dirêjî da axaftina xwe: "Em ê vê cejnê pîroz bikin, lê dûrbûna me ji xaka me dimîne keser, di heman demê de mezintirîn cejn vegera li xakê ye û rizgarkirina ji dagirkeriya Tirkiyê ye.”

Firoşkar Mehmûd Xelo zehmetiyên derbaskirina kel û pelan ji kantona Şehbayê re destnîşan kir û wiha pê de çû: "Ji ber zehmetiya gihandina kel û pelan ji kantonê re, cil û bergên cejnê bi buhayekî bilind tên firotin."

Her wiha welatiya bi navê Jinviyan Mihemed jî axivî û got: "Em li kampê bi kotekî şêraniyên xwe çêdikin."

Jinviyan wiha axaftina xwe berdewam kir: "Ev hemû tenê ji bo kêfxweşiya zarokan e, hêvîdar im ku aştî pêk were, em vegerin Efrînê û Rêberê Gelê Kurd Abdullah Ocalan serbest bibe."

(eh)

ANHA