Şêniyên Qamişlo sersaxî ji malbata efrînî re xwestin

Di encama qezayeke trafîkê de ku ser rêya Amûdê-Hesekê rû da, 5 kesan jiyana xwe ji dan. Navên kesên jiyana xwe ji dest dane wiha ne(Mihemd Reşîd(65) û hevsera wî Medîna Abdullah(55), kurê wan Şerfan Mihemd û Mihemd Xelîl û Bîlal). Cenazeyên malbata efrînî di 20`ê meha Hizêranê li goristana şehîdên sivîl ku li taxa Enteriyê ya girêdayî bajarê Qamişlo ye hatin oxirkirin.

Îro bi dehan ji şêniyên Qamişlo û gundewarên wê, endamên Meclisa Malbatên Şehîdan, PYD, YPG, YPJ, Kongreya Star û endamên saziyên civaka sivîl, beşdarî konê sersaxiya ji malbata her 5 şehîdên efrînî bûn. Konê sersaxiyê li taxa Kornêş a girêdayî bajarê Qamişlo hate vedan û bi wêneyên şehîdan, alên Meclisa Malbatên Şehîdan, Hêzên Sûriya Demokratîk û alên Kongreya Star hate xemilandin.

Di merasîma sersaxiyê de yek ji endmên Meclisa Malbatên Şehîdan Abdullbaqî Ehmed axivî û sersaxî ji malbatê re xwest. Abdullbaqî bal kişand ser taybetmendiya malbata Mihmed Reşîd ku bi welatparêziya xwe dihatin naskirin.

Hîn jî konê sersaxiyê bi beşdariya şêniyan vekirî ye û tê payîn ku heta saetên şevê serdan berdewam be.

(eh)

ANHA