Tevlîbûna nava refên YPG‘ê zêde dibin

Komek ji şervanên nû piştî ku dewreyên xwe yên lşekrî li Akademiya şehîd Xebat a Leşkerî bi dawî kirin, tevlî nav refên YPG`ê bûn.

NÛÇE

15 nîsan, 2019 13:57

HESEKÊ

Îro Akademiya Şehîd Xebat a Perwerdeya Leşkerî ya girêdayî YPG`ê ya li navçeya Dirbêsiyê dewreya Şehîd Reşîd a ku 45 rojan dom kir bi merasîmekê bi dawî kir.

Di dewriyê de şervanan waneyên fikrî girêdayî şêwazên şerê taybet, dîroka Kurdistanê, rastiya jin û gelek mijarên din tevî perwerdeyên leşkerî, teknîkên şer û awayên bi karanîna çek birin dîtin.

Fermnendarên YPG û YPJ`ê, gelek şêniyên navçeyê û endamên saziyên civaka sivîl tevî malbata şehîd Reşîd beşdarî merasîmê bûn.

Merasîm bi deqeyek rêzgirtin destpê kir. Piştre fermendarên YPG‘ê Welîd Taibûş axivî û bi dawîbûna dewreyê li şervanan pîroz kir. Taibûş destnîşan kir ku bi saya fedekariyên şehîdan gelek destkeftî hatin bi destxistin û soza şopandina riya şehîdan heya azadî û jiyana bi rûmet da.

Piştî wê şervnan sond xwarin. Di dawiyê de beşdaran xelekên govendê li ber stranên şoreşgerî gerandin û paşê şervanê tev li nuqteyên ku lê hatine dabeşkirin bûn.

Tê destnîşankirin ku Şehîd Xelef El-Lafî bi nasnav Reşîd ê ku dewre bi navê wî hatiye vekirin, ji bajarokê Silûkê ye û li bajarokê Hecînê di pêngava Bagera Cizîrê de şehîd bûye.

(şx)
ANHA