Rêveberiya Jin a Tebqayê ji bo Efrînê gul avêtin çemê Firatê

DÊRAZOR/TEBQA

Rêzeçalakiyên şermezarkirina dagirkirina Efrînê berdewam in. Di vê çarçoveyê de Meclisa Sewrê ya gundewarê bakurê Dêrazorê daxuyanî da û Rêveberiya Jin a Tebqayê jî gul avêtin çemê Firatê.

Rêveberiya Jin a Tebqayê ji bo piştgiriya berxwedana gelê Efrînê bi taybet jinên efrînî gul avêtin çemê Firatê.

Piştî avêtina gulan endama Rêveberiya Jin a Tebqayê Macîde El-Hisên axivî û got: "Em soz didin gelê Efrînê ku ji bo parastina tevahiya xaka welat em ê têbikoşin û em dest ji bostek ji xaka Efrînê û Sûriyê bernadin. Em ê li hember komployên li dijî gel têne plankirin bi vînek xurt û bi israreke mezin bisekinin."

Çalakî bi berzkirina dirûşmeyên silavkirina berxwedana Efrînê û jinê bi dawî bû.

Girêdayî heman mijarê endamên meclisa Sewrê yê gundewarê bakurê Dêrazorê ji bo şermezarkirina dagirkeriya Tirk û piştgiriya gelê Efrînê daxuyanî dan.

Endamên meclisê li qada meclisê kom bûn  û daxuyanî ji hêla endamê Komîteya Lihevanînê Ibrahîm El-Ewad ve hate xwendin.

Di daxuyaniyê de mudexeleya Tirkiyê û dagirkirina herêmên ji Sûriyê di nav bêdengiya navdewletî de hate şermezarkirin. Her wiha hate tekezkirin ku ji bo biserxistina projeya neteweya demokratîk a herêmê û avakirina Sûriyeyek nenavendî ku her kesek tê de rola xwe ya çalak radibe.

(şx)

ANHA