Konferansa ciwanan di roja yekemîn de bi dawî bû

KOBANÊ

Duyemîn Konferansa Ciwanên Rojhilata Navîn bi dirûşma "Bi pêşengiya ciwanan ber bi Rojhilata Navîn a pirreng û demokrartîk ve" îro saet di 09:00‘an de li navenda Çand û Hunerê ya Kobanê dest pê kir. ciwanên ji gelek welatên Rojhilata Navîn Misir, Filistîn, Lubnan, Iraq, Tirkiyê, Ermenistanê beşdarî konferansê bûn.

Kongre bi şermezarkirina Hikumeta Herêma Başûr Kurdistanê ku nehîşt 8 tevger û partiyên ciwanên şoreşger derbasî Bakurê Sûriyê bibin, dest pê kir.

Endamê Komîteya Amadekar a Konferansê Harûn Apoyî axivî û Konferas wekî gaveke dîrok ji bi civakên Rojhilata Navîn bi nav kir.

Her wiha axaftin ji aliyê 50 endamê  partî û rêxistinên ciwanan ve hatin kirin. Di axaftinan de berxwedana Leyla Guven û hemû berxwedêrên grevên birçîbûnê hate silavkirin û hate gotin, armanca wan avakirina Rojhilateke Navîn demokratîk û pirreng e.

Ciwanên ji Partiya Komunist a Sûdanê û Partiya Komunist a Tûnisê bi rêya skype beşdarî konferansê bûn.

Roja yekemîn a konferansê bi pêşandana belgefîlmekî li ser serhildanên gelên Rojhilata Navîn wekî Sûriya, Yemen, Tûnis, Iraq, Filistîn, Lîbiya, Misir û Sûriya bi dawî bû.

Konferans dê sibe dewam bike.

ANHA