Koordînasyona Jinên Herêma Firatê girtina Eyşe Çelîk şermezar kir

KOBANÊ

Koordînasyona Jinên Herêma Firatê derbarê girtina Eyşe Çelîk ji aliyê hikûmeta AKP‘ê ve daxuyaniyek da. Daxuyanî bi amadebûna bi dehan jinên kantona Kobanê li ber avahiya Rêveber Xweser a kantonê ji aliyê Cîgira Hevseroka Meclîsa Rêveber a Kantona Kobanê Hêlîn Hacim ve hate xwendin. Di daxuyaniyê de wiha hat gotin:

"Careke din dewleta Tirk bi dagirkeriya xwe aşîtiyê dîl digre û mafê mirovan binpê û binçav dike.

Di bin navê dewleta demokrat  û azadîxwaz lê tersî wê tê dîtin û tê jiyankirin, wekî her car mirovekî bi nêrîn û daxwazekî aşîtiyê ku derdikeve holê  winda û binçav dike.

Dewleta ku di rewşa awerte de jiyan dike tu rengê aşîtiyê lê nayê dîtin, êrîşên dewleta  Tirk û binpêkirina mafên mirovan û qirkirina mafê jinê li bakurê kurdistanê  bi teybet jî bi girtina Eyşe Çelîk û  zaroka wê ya şeş mehî ku bangeweziya wê bû bes e ji şer re, bes e ji hêsrên dayîkan re û erê ji bo aşîtiyê ji aliyê AKP`ê  ve hatine girtin.

Bi sûcekî mezin lê her kes dizane Tirkiya di çi rewşê de ye û çi li wir tê qewmandin, Ji bo wê em wekî jinên Herêma Firatê girtina Eyşe Çelîk şermezar dikin û bang li saziyên mafên mirovan û saziyên ji dikin ku derheqê wê de bêdeng nemînin."

ANHA