Yekîtiya Kedkarên Tebqayê konferansa xwe ya duyemîn li dar xist

Konferansa Duyemîn a Yekîtiya Kedkaran a bajarê Tebqayê îro bi dirûşmeya “Bi milên kedkaran em welatê xwe ava dikin” li avahiya Rêveberiya Rêxistinên Civaka Sivîl a li bajêr hat lidarxistin. Bi dehan kedkarên bajêr û gundewarê wê û şandeyeke Yekîtiya Xebatkarên Reqayê beşdarî konferansê bûn.

Piştî rêzgirtinê, axaftina destpêkê ji ailyê komîteya amadekar a konferansê ve hat kirin.

Di konferansê de rêziknameya yekîtiyê piştî nîqaş û guhertinan, ji nû ve hat erêkirin.

Her wiha raporên sala borî yên komîteyên girêdayî yekîtiyê hatin xwendin û rewşa rêxistinî ya her komîteyekê hat nirxandin. Piştî dengdanê, hevserkên berê yên yekîtiyê Zeyneb Omer û Ebduletîf El Fesîh ji nû ve wekî hevserok hatin hilbijartin.

Konferans gelek biryaran bi dawî bû. Ji wan biryaran: Peydakirina derfetên kar ji bo kedkaran, başkirina rewşa kedkaran li Bakur û Rojhilatê Sûriyeyê, tevlêkirina hemû kedkaran bo yekitiyê, parastina mafên kedkaran di beşên taybet û giştî de, aktîvkirian sindoqa hevkariyê ya xebatkaran, lidarxistina çalakiyên ji bo pêkanîna azadiya fîzîkî ya Rêber Abdullah Ocalan.

(c)

ANHA