Li Şehbayê Fermandar Egîd û şehîdên Hefteya Lehengiyê bi bîr anîn

Li Şehbayê Fermandar Egîd ˊMahsûm Korkmazˊ û şehîdên ˊ Hefteya Lehengiyê' bi pêxistina mûman li Goristana Şehîdên Serdemê ya li navçeya Ehrezê ya Şehbayê bi bîr anîn.

ROJANE

27 adar, 2024 21:10

ŞEHBA

Meclisa Malbatên Şehîdan a kantona Efrîn û Şehba şehîdên ˊHefteya Lehengiyêˊ û Fermandar Egîd li Goristana Şehîdên Serdemê ya navçeya Ehrezê bi bîr anîn.

Di merasîma bîranînê de endama Meclisa Malbatên Şehîdan a kantona Efrîn û Şehba Hesen Beko axivî.

Hesen Beko wiha got: “Em hemû şehîdên berxwedana meha Adarê Bi bîr tînin. Di serî de em qehremanê rizgarkirina gelê Kurdistanê şehîd Egîd bi bîr tînin. Di vê meha qehrematiyê de her kes dizane ku lehengiya herî mezin di dîroka şoreşa azadiyê de hate kirin.”

Hesen Beko wiha axaftina xwe bi dawî kir: “Her şehîdekî/ê muhra xwe li dîrokê danî û avakirinek li pêş xist, çawa di salvegera Heqî Kerar de Rêber Apo gihişt avakirina biryardayîna pêşxistina kongra yekemîn a Partiya Karkerên Kurdistanê (PKK), di salvegera şehadeta rêheval Egîd de, Rêber Apo artêşbûyîn li pêş xist.”

Dûre li ser gora şehîdan mûm hate pêxistin.

ANHA