Li Peymangeha Şehîd Viyan Amara şahiya derçûna xwendekaran

Peymangeha Şehîd Viyan Amara ji bo 63 xwendekaran şahiya derçûnê li dar xist.

ROJANE

23 mijdar, 2023 14:20

ŞEHBA

Peymangeha Şehîd Viyan Amara şahî li Hola Diyar a navçeya Ehdasê ya kantona Şehbayê bi beşdarbûna şêniyên Şehba, koçberên Efrînê û nûnerên Rêveberiya Xweser li dar xist.

Di şahiyê de hevseroka Desteya Perwerdeyê ya kantona Efrîn û Şehbayê Zelox Bekir axivî û diyar kir ku bi saya fikir û felsefeya Rêber Abdullah Ocalan bi zimanê kurdî peymangeh û zanîngeh vebûne û wiha got: "Ji bo me gelê Kurd firsendeke mezin e ku em bi zimanê kurdî perwerde bibin û em niha bi saya fikr û ramanên Rêber Apo gihaştin vê rojê."

Her wiha li ser navê rêveberiya Peymangeha Şehîd Viyan Amara Mihemed Osman wiha got: "Ruxmî hemû zor û zehmetiyên ku li ser herêmê tên meşandin, dorpêç û êrişên li ser herêmê, xwendekarên me perwerdeyên xwe temam kirin û ji peymangehê derçûn. Ev yek jî ji bo me serkeftineke mezin e."

Di dawiyê de beşdarên şahiyê li ber stranên hunermendên ji Efrînê govend gerand.

(zş)

ANHA