Li kampa Holê gelek amûrên leşkerî, xendeq û jêrzemîn hatin dîtin

Hêzên Ewlekariya Hundirîn a Bakur û Rojhilatê Sûriyeyê bi piştgiriya Hêzên Sûriya Demokratîk (QSD) û Yekîneyên Parastin Jin (YPJ) û Koalîsyona Navneteweyî ya li dijî DAIŞ`ê, 27`ê Çileyê dest bi pêngava sêyemîn a ‘Operasyona Mirovî û Ewlehiyê’ li kampa Holê kir.

Hêzên beşdar, xebatên lêgerînê yên di nav beşa muhecîrat de berdewam kirin ku yek ji beşên herî xetere li kampê ye.

Kampa Hol ji 8 beşan pêk tê. Beşa muhecîrat jî yek jê ye ku tê de jin û zarokên malbatên DAIŞ`ê yên biyanî ne.

Di roja duyemîn a operasyonê de, Hêzên Ewlekariya Hundirîn gelek amûrên leşkerî, çente, maskên leşkerî, amûrên kolandinê, xendeq û jêrzemîn dîtin.

Li aliyekî din Rêveberiya Kampa Holê, daneyên kesayetî yên jinên DAIŞ`ê yen di beşa muhecîrat de û navên wan tomar dike û wêneyên kesayetî ji wan re dikişîne. şopa tilî û çav wan jî digir e.

Di roja yekemîn a operasyonê de, zarokên DAIŞ`î bi keviran êriş rojnamevanên ku operasyonê dişopînin kirin. Hêzên Ewlekariya Hundirîn, jî  çeteyekî ku cilê jinan li xwe kiribû û di nav beşa muhecîrat ya di nav jin û zarokan de xwe veşartibû girtin.

(şx)

ANHA