Li Amûdê semînera 25‘ê Mijdarê

Kongra Star di çarçoveya çalakiyên 25‘ê Mijdarê de, li bajarê Amûdê semînerek li ser cûreyên tundiya li ser jinan, bandorên wê û rêbazên pêşîgirtinê da.

Li Amûdê semînera 25‘ê Mijdarê
Li Amûdê semînera 25‘ê Mijdarê
Li Amûdê semînera 25‘ê Mijdarê
Li Amûdê semînera 25‘ê Mijdarê
17 mijdar, 2026   16:49
NAVENDA NÛÇEYAN

Meclisa Kongra Star a bajarê Amûdê di çarçoveya kampanyaya "Ji bo bidawîkirina tundiya li ser jinan bibin yek" de semînerek bi beşdariya hejamrek şêniyan da.

Di semînerê de cûreyên tundiya li ser jinan, bandorên wê, çawaniya bidawîkirina wê hatin şîrovekirin. Her wiha girîngiya peydakirina hawirdoreke guncaw ku azadiya wan a biryardanê û beşdariya wan di jiyana giştî û aborî de mîsoger hatin vegotin.

Ji rêveberên Kongra Star Nîroz Eseed anî ziman ku mafê jinan e ku bi xwe biryaran der barê jiyana xwe de bidin û nabe biryar li ser wan bên ferzkirin.

Nîroz Eseed bal kişand ser girîngiya bihêzkirina jinan di kar de û parastina xweseriya wan û got, divê di maf, derfet û erkan de wekhevî di navbera her du zayendan de çêbibe.

Her wiha banga pêşîgirtina li tundiyê, mîsogerkirina azadiya jinan kir û anî ziman ku azadiya jinan û beşdariya wan çalak gava bingehîn ber bi avakirina civakeke adilane û wekhev ve ye.

(bb)

ANHA