Kobaniyan nobedarên Tişrînê pêşwazî kirin

Xelkê  bajarê Kobanê yê kantona Firatê beriya 4 rojan, ji bo parastina Bendava Tişrînê û nîşandana dijberiya xwe li hember êrişên dagirkeran, berê xwe dabû Bendava Tişrînê da ku tev li çalakiyê nobedariyê bibe.

Hêjayî bibîrxistinê ye ku dewleta Tirk a dagirker dema karwana gel ji kantona Firatê berê xwe dida bendavê hedef girtibû, bi wê re welatiyek şehîd bû û 4 birîndar bûn. Her wiha dema karwana welatiyên kantona Firatê gihîşt bendavê jî dagirkeran bi balafirên nobedar bombebaran kiribûn. Bi wê re jî 3 welatî şehîd bûn û 7 jî birîndar bûn.

Îro, piştî 4 rojan ji nobedariyê xelkê Kobanê nobedarî dewrî xelkê kantona Cizîrê yê ku duh êvarî gihîştiye bendavê kir û vegerî Kobanê.

Xelkê bajarê Kobanê jî bi coşeke mezin nobedarên Bendava Tişrînê li Qada Jina Azad pêşwazî kirin. Gel bi hildana alên QSDˋê û diurşmn "Berxwedan Jiyan e" û "Bijî berxwedana QSD" nobedar pêşwazî kirin.

Di pêşwazîkirinê de rêvebera Însiyatîfa Azadiya Fîzîkî ya Rêber Abdullah Ocalan a Kantona Firatê Eyşe Efendî axivî û got: "Ne dewleta Tirk êrişî karwanên gel bike, çi dibe bila bibe em dev ji bendava xwe bernadin. Me çawa êrişên DAIŞˋê têk birin, em ê dewleta Tirk a dagirker jî têk bibin. Me çawa li bendavê berxwedanî kir, wê gelê me yê Cizîrê jî heman berxwedaniyê bike."

(sş/fr)

ANHA