Biryarên darayî yên nakok karê mirovî li Sûriyeyê aloz dikin

2 belgeyên fermî nakokiyeke di navbera Wezareta Karên Derve û Banka Navendî ya Sûriyeyê de têkildarî dan û standinên diravî yên rêxistinên navneteweyî de aşkera kir. Wezareta Karên Derve destûr da bikaranîna dolarê amerîkî, lê Banka Navendî bikaranîna lîreyê Sûriyeyê ferz kir.

5 gulan, 2026 11:28

NAVENDA NÛÇEYAN

Li gorî biryarnameyeke ku ji hêla Wezareta Karên Derve ya hikumeta demkî ve di 19`ê Nîsana 2026`an de hatiye weşandin, ji rêxistinên navneteweyî yên li Sûriyeyê dixebitin re îstîsnayek 6 mehan hat dayîn ku dihêle ew peymanên xwe bi dolarê amerîkî pêk bînin. Ev yek ji bo misogerkirina berdewamiya çalakiyên mirovî û pêşkeftinê û pêşîgirtina li astengkirina projeyên heyî bû.

Berevajî vê, di 3`yê Gulana 2026`an de, Banka Navendî ya Sûriyeyê biryarek derxist ku bank û rêxistinên ku li welêt dixebitin mecbûr dike ku mûçeyên karmendên herêmî bi lîreyê Sûriyeyê bidin û dayîna bi dolarên amerîkî qedexe kir.

Çavkaniyên ku di sektora mirovî de dixebitin diyar kir ku ev nakokî dê bide sedema zirarên diravî û kêmbûna alîkarîya ku ji bo Sûriyeyê tê dayîn.

(k)