Binpêkirinên komên çekdar li dijî şêniyên Til Eranê

Çavkaniyên xwecih ji ajansa me re diyar kir ku şêniyên bajarokê Til Eranê yê li rojhilatê Helebê ku di bin kontrola hikumeta veguhêz a Sûriyeyê de ye, rastî binpêkirinên komên çekdar tên. Di demên dawîn de şênî rastî kiryarên revandin, xwestina pereyan, êrişên fizîkî û devkî, ferzkirina bacên derqanûnî tên. 

21`ê Hezîranê, komeke ku xwe wek girêdayî Ewlehiya Leşkerî da nasîn, bazirganê bi navê Zekeriya Mistefa Beşar ji bajarokê Til Eranê bi zora çekan revand û bi qasî 90 hezar dolar û 10 kîlo zêr dizîn.

Piştî bûyerê koma çekdar gefa kuştinê li birayê kesê revandî xwar, eger li birayê xwe bipirse. Birayên bi navê Xelîl û Xalid Mihemed Beşar hatin revandin.

Hêzên ewlekariyê yên girêdayî hikumeta Şamê 8 şêniyên bajarok ên Kurd, ji ber ku lihevhatineke civakî di navbera du malbatan de pêk anî, revandin. Li gor zanyariyan, berpirsên van girtinan kesên bi navên “Ebû Daûd” û “Ebû Huzeyfe” ne.

Kesên ku hatine revandin ev in: Cumaa Mihemed Faris, Îbrahîm Mihemed Faris, Cumaa Remezan Faris, Mihemed Husên Faris, Salih Yehya Faris, Hesen Ubeyd Faris, Munewer Îsmaîl û Ramî Îsmaîl.

Her wiha di 22’yê Hezîranê de komên çekdar êrişî şêniyên bajarokê Til Eranê kir. Piştî vê êrişê komeke ciwan hatin revandin.

(k)