201 şehîdên mehên Nîsan û Gulanê li Qamişlo hatin bibîranîn

Meclisa Malbatên Şehîdan a Qamişlo 201 şehîdên mehên Nîsan û Gulanê yên di demên cuda de şehîd bûne, bi bîr anîn.

ROJANE

23 gulan, 2024 20:20

QAMIŞLO

Meclisa Malbatên Şehîdan li Pakrewangeha Şehîd Delîl Saroxan a Qamişlo ya Herêma Bakur û Rojhilatê Sûriyeyê 201 şehîdên mehên Nîsan û Gulanê merasîma bîranînê li dar xist. Ew şehîdên HPG, YPJ, YPG, Hêzên Ewlekariya Hundirîn, QSD, Hêzên Têkoşîna Dijî Hişbirê, Hêzên Têkoşîna Dijî Terorê, şehîdên bombebarana dagirkeriya Tirk li Qamişlo ne.

Di merasîmê de malbatên şehîdên ên ji gund û bajarokên Qamişlo, endamên sazî, meclis, Kongra Star û partiyên siyasî beşdar bûn.

Di merasîmê de endamê rêveber ê Kongra Îslama Demokratîk Ebdulkerîm Saroxan li ser navê Meclisa Malbatên Şehîdan axivî û got tevahî serkefitn û destkeftî bi saya şehîdan in.

Saroxan wiha domand: "Çiqas armanca azadiyê dijwar be, bi hêz û îsrara gel dê bi ser bikeve û azadiya tevahî gelan pêk bê."

Saroxan wiha bi dawî kir: "Em ê li pêş xewn û berjewendiyên dewleta Tirk a dagirker û siyasetên wê yên hovane yên li dijî gelê me bibin mertal."

Di dawiyê de endamê Meclisa Malbatên Şehîdan Mihemed Xêr Elîkî navên şehîdan xwendin.

(fr)