Li Minbicê jinên ciwan şehîd Bêrîtan bi bîr anî

Bi boneya salvegera 29’emîn a şehadeta fermandara jin a gerîla Bêrîtan (Gulnaz Karataş) Tevgera Ciwanên Şoreşger û Yekitiya Jinên Ciwan ên bajar û gundewarên Minbicê çalakiyeke bîranînê li ber navenda Tevgera Ciwanên Şoreşger a naverasta bajar li dar xist. Di çalakiyê de sinevîzyonek li ser têkoşîna şehîd Bêrîtan hate pêşandan.

Paşê endama rêveber a Yekitiya Jinên Ciwan a  Minbicê Seydana Henûş daxuyanî xwend.

Di daxuyaniyê de hate gotin: "Bi navê Yekitiya Jinên Ciwan a Minbic û gundewarê wê em şehîd Bêrîtan semola jina azad, sembola têkoşîn û xweşikbûnê bi bîr tînin. Bêrîtan mînaka artêşbûna jinê ye ku li hemberî xiyaneta PDK û sixûrên wê sekinî, jiyaneke bi rûmet hilbijart, çeka xwe şikand û bêyî teredudu xwe ji çiyayekî avêt. Bi vê yekê bû dengê berxwedana domdar a li hemberî xiyanet û teslîmkariyê ye.

Rêber Ocalan şehîd Bêrîtan wekî sembola nasname û rûmeta jina Kurd a azad bi nav kir. Ji vir em bejna xwe li hemberî hemû şehîdên ku ji bo azadiyê jinan berdêlên giran dane  ditewînin û fîlozof Abdullah Ocalan silav dikin.

Berxwedana Bêrîtan bû destpêka avabûna artêşa şoreşgerî ya jinan di sala 1992'yan de. Bêrîtan bû sembola jina Kurd a ji cîhanê re îsbat kir ku gelê Kurd û jina Kurd teslîmiyetê qebûl nake. Her wiha Bêrîtan ji hemû jinan re bû sembola azadiyê ku dan ser şopa wê.

Em Yekitiya Jinên Ciwan bi rihê manewî  û bi rihê şehîd Bêrîtan û fikirê rêber Abdullah Ocalan em ê bibin hêza pêşeng a rizgarkirina tevahî jinan û xeta şehîd Bêrîtan bişopînin."

ANHA