​​​​​​​'Gelên herêmê ji fikir û felsefeya rêber Ocalan biratiya gelan pêk tînin'

Komploya li dijî rêber Abdullah Ocalan di 15’ê Sibata 1999’an de li paytexta Kenyayê Naîrobiyê pêk hat. Komplo bi beşdariya MÎT’a Tirk bi îstîxbarata Amerîka, Brîtanya û Yewnanistanê û gelek îstîxbaratên dewletên dîtir bi rê ve çû.

Girêdayî mijarê, hevserokê Nivîsgeha Têkiliyan a Rêveberiya Sivîl a Demokratîk a Tebqayê Îbrahîm Mihemed got: "Rêber Abdullah Ocalan ne bi fikira xwe lê bi bedena xwe hatiye dîlgirtin. Her wiha gelên Bakur û Rojhilatê Sûriyê îro xwe spartiye fikir û pirtûkên Rêbertî û biratiya gelan û neteweya demokratîk li ser erdê dimeşînin."

Mihemed da zanîn ku dê Rêveberiya Sivîl a Tebqayê bi rêya çalakiyên cur bi cur ji semîner, civînên girseyî û pêşandana sînevîzyonan xebatê li ser eşkerekirina Komploya Navneteweyî bike.

Mihemed bang li rêxistinên hiqûqî, saziyên mafên mirovan û civaka navneteweyî kir ku xebata li ser serbestberdana rêber Abdullah Ocalan bikin.

Endama Koordînasyona Komîteya Jinan a Tebqayê Welaa Nacî wiha got: "Armanc ji dîlgirtina rêber Abdullah Ocalan, şikandina vîna gelan û bidûrxistina wî ji kesên felsefe û fikira wî hembêz kiriye."

Welaa Nacî wiha gotina xwe domand: "Ji ber rêber Ocalan tevahî pêkhateyên Ereb, Kurd, Suryan, Asur û Ermen li ser jiyana hevbeş hişyar kirin, kapîtalîstan şerê wî kir."

Welaa Nacî Komploya Navneteweyî şermezar kir û wiha domand: "Îro gelên Bakur û Rojhilatê Sûriyê û gelên cîhanê vê komploya kirêt a navneteweyî ya li dijî rêberê mirovahiyê Abdullah Ocalan bi bîr dixin."

Welaa Navî da zanîn ku jinên li herêmên Bakur û Rojhilatê Sûriyê dê rêça têkoşînê bi rêya çalakiyên konvedanê, daxuyaniyan û şermezarkirina sûcên dewleta Tirk a dagirker û sûcên wê yên li dijî rêber Abdullah Ocalan temam bikin.

Welaa Nacî wiha gotina xwe bi dawî kir: "Pêwîst e rêbertî bêyî tu şertan were berdan, li welat û gelê xwe vegere. Ji ber fikira Rêbertî serkeftinên mezin di nava gelên cîhanê de ava kirin."

(fr)

ANHA