Jinên ciwan ên Dêrikê bi meşekê soza xurtkirina têkoşînê da

Bi sedan endamên Yekitiya Jinên Ciwan û Tevgera Ciwanên Şoreşger ên Sûriyê li çerxerêya Asayîşê ya li naverasta bajarê Dêrikê kom bûn û xwepêşandanek li dar xist. Xwepêşandêr li kolanên bajêr geriyan û sloganên"Azadî ji rêber Abdullah Ocalan re, na ji gefên dewleta Tirk ên li dijî herêmên Bakur û Rojhilatê Sûriyê" berz kirin û pankartên bi nivîsên "Na ji îxanetê re" û alên Tevgera Ciwanên Şoreşger, Ciwanên Suryan û Yekitiya Jinên Ciwan rakirin.

Xwepêşandan li navenda Şehîd Bawer a Ciwanên Şoreşger veguherî mîtîngê û li wir deqeyeke rêz hate girtin. Piştre endama rêveber a Yekitiya Jinên Ciwan Armanc Jînda axivî û got: "Em ê rê nedin êrişkaran ku erdê Rojava qirêj bikin, em ê li dijî gefên li ser herêmên me bisekinin û çi were xwestin em ê bikin."

Armanc wiha axaftina xwe dewam kir: "Bi rihê Yekitiya Jinên Ciwan û Tevgera Ciwanên Şoreşger ên Sûriyê û bi dirûşmeya 'Na ji dagirkeriyê re, dem dema tolhildanê ye û teqez em ê bi ser bikevin` em ê têkoşînê heta rizgarkirina hemû Bakur û Rojhilatê Sûriyê xurt bikin."

Piştî axaftin bi dawî bû, ciwanên şoreşger ji agir stêrk çêkirin. Çalakî bi stranên Koma Cûdî û gerandina govendê bi dawî bû.

(eh)

ANHA