Salvegera damezirandina Kongreya Star li herêma Cizîrê hat pîrozkirin

Bi boneya salvegera 16`an a damezirandina Kongreya Star, li navçeya Dirbêsiyê ya kantona Hesekê şahiyek li Stada Beledî li dar ket. Bi sedan şênî û endamên saziyên sivîl û Kongreya Star tev li şahiyê bûn.

Di şahiyê de bi navê Kongreya Star endama kongreyê ya navçeyê Mîdye Hesen axivî û ev roj li tevahiya jinên ku ji bo azadiya jinan tê dikoşin, pîroz kir. Mîdye destnîşan kir ku jinên Kurd roleke pêşeng lîst, bi vîn û berxwedana xwe gelek destkeftî bi dest xistin.

Mîdye piştrast kir ku jinan li Bakur û Rojhilatê Sûriyê bi saya fikr û felsefeya rêber Abdullah Ocalan gelek serkeftin bi dest xistin.

Di dawiya şahiyê de beşdaran li ber stranên Koma Zîlan a Navenda Çand û Hunerê ya navçeya Dirbêsiyê dîlan girt.

TIL HEMÎS

<iframe width="560" height="315" src="https://www.youtube.com/embed/ZfTdp7mKVSc" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Di heman çarçoveyê de li navçeya Til Hemîsê ya kantona Qamişloyê şahiyek hat lidarxistin, bi dehan şênî û saziyên sivîl û endamên Kongreya Star tev li şahiyê bûn.

Di şahiyê de endama rêveberiya Kongreya Star a navçeya Til Hemîsê Ibtîsam El-Hisên axivî û salvegera 16`an a damezirandina  kongreyê li tevahiya jinan pîroz kir û wiha got: “Ev rêxistin ne ku ji nişka ve ava bû, ew mîrasa têkoşerên mîna Bêrîtan, Zîlan û Sakîne ye ku ji bo azadiya jinan canê xwe feda kiriye.”

Der barê rola Kongreya Star ji bo birêxistinkirina jinan di şoreşa Bakur û Rojhilatê Sûriyê de, Ibtîsam wiha axivî: “Kongreya Star tevahiya jinên li Bakur û Rojhilatê Sûriyê hembêz kir.”

Şahî bi stranên koma Til Hemîsê ya girêdayî Tevgera Çand û Hunerê bi dawî bû.

(şx)

ANHA