Li Şedadê ji bo pêşxistina aboriya jinan Mala Mûnê hate vekirin

Bi armanca piştgiriya jinên li gundan, Komîteya Aboriyê ya Jinan a Şedadê bi hevkariya kargeha mûnetê ya demsala zivistanê Mala Mûnê vekir.

2 îlon, 2020 11:42

HESEKÊ

Komîteya Aboriyê ya Jinan a navçeya Şedadê ya kantona Hesekê ji bo piştgiriya aboriya jinên li gundan, projeya Mala Mûnê vekir.

Li Mala Mûnê 6 jin dixebitin û kar di navbera xwe de dabeş dikin. Têkildarî mijarê endama Nivîsgeha Aboriya Jinan a Şedadê Menar Ilêwî bal kişand ser armanca vekirina vê projeyê û got: "Bi armanca piştgiriya jinan me û nivîsgeha Hesekê projeyên biçûk vekirin, ji wan projeyan yek Mala Mûnê ye û bi vî awayî em ê aboriya jinên li gundan bi pêş bixin."

Menar Ilêwî destnîşan kir ku ev ne projeya yekemîn e ku ew vedikin û ew ê ji bo piştgiriya aboriya jinan zêdetir projeyan vekin.

Çavdêra projeyê Buşra Hemîd îşaret bi makanîzmaya kar û xebatê kir û wiha domand: "Werşeya Mala Mûnê ya li Hesekê beşek ji hilberînên rîçal, qûtên zivistanê yên zuwikirî û yên di qutiyan de ji bo Nivîsgeha Komîteya Aboriya Jinan a Şedadê veqetandiye û dê jinên gundan erkdar bikin ku van kel û pelan bi rêya kişkên li ser rêyan bifiroşin."

Buşra Hemîd got wan bi Şaredariya Gel re li hev kiriye ku kişkan li kêleka rêyan deynin û bi vê yekê firotina hilberînan hêsantir bikin, paşê dê pereyan li jinên hilberînan difiroşin dabeş bikin.

Buşra Hemîd di dawiya axaftina xwe de da zanîn ku ew ê kar li ser du qonaxan bi rê ve biçe, yek peydakirina pêwîstiyan û firotina hilberînan li bazarê û qonaxa duyem jî dê 2 jinan erkdar bikin ku hilberînan bifiroşin.

(eh)

ANHA