MSD’ê li Eyn Îsayê komxebatek ji bo jinan li dar xist

Endamên meclis û komîteyên kantonên Girê Spî û Eyna Îsayê, beşdarî komxebatê bûn.

Endama rêveber a Nivîsgeha Jinan a Meclisa Sûriya Demokratîk (MSD) Îlham Umer rewşa beşdariya siyasî ya jinan a berê û ya niha di Rêveberiya Xweser û MSD’ê de, şîrove kirin.

Beşdaran gelek mijar nîqaş kirin, jê jî astengiyên li pêş jinan ên tevlêbûna jiyana siyasî.  Di nîqaşan de hat destnîşankirin ku beşdariya jinan li sazî û komîteyên Rêveberiya Xweser pêngaveke baş e, da ku kevneşopên civakî yên redkirina beşdariya jinan bişikînin.

Îlham Umer beşdariya jinan a nimûneya Rêveberiya Xweser a niha û ya berê da ber hev, her wiha da zanîn ku beşdariya jinan di saziyên Rêveberiya Xweser de herî aktîf e. Ji ber ku jin rasterat beşdarî sîstema hevserokatiyê bûn û pratîka wê di xebata xizmetguzarî û rêveberiyê de eşkere ye.

Beşdaran bi rêya nîqaşên xwe bal kişand ser ku pêwîst e aktîfbûna jinan di beşdariya sazî û partiyên siyasî yên li herêmên Rêveberiya Xweser de zêdetir be, li gel wê jî divê jin xwe zêdetir perwerde bikin.

MSD'ê beriya niha heman komxebat, li herêma Cizîr, Minbic û Tebqayê li dar xistin. Di demên pêş de dê ev komxebat li Reqa û Dêrazorê jî li dar bikevin.

(fr)

ANHA