Şêniyên Tebqayê şehîd Xebat oxir kir

Şervanê Hêzên Sûriya Demokratîk (QSD) Îbrahîm El-Şêx (Xebat) 28‘ê Cotmehê di çarçoveya Berxwedana Rûmetê de li gundewarê navçeya Eyn Îsayê şehîd bû.

Bi sedan şêniyên herêma Tebqayê cenaze ji nexweşxaneya Wetanî wergirtin û ber bi Goristana Şehîdan ve ketin rê.

Li goristanê merasîm bi deqeyek rêzgirtin dest pê kir. Piştre bi navê Meclisa Malbatên Şehîdan hevseroka meclisê Emîne Ebdulrezaq û Rêveberiya Sivîl a Demokratîk a herêma Tebqayê hevserokê Komîteya Aborî Ehmed Silman axivîn.

Di axaftinan de hate destnîşankirin ku bi saya keda şehîdan pêkhateyên herêmê di ava aramiyê de dijîn û bi yekrêzî piştgiriyê didin QSD‘ê.

Her wiha hate gotin ku bûyerên li herêmê rû didin li ser eniya pergalên zordest û dîrokê de lekeya şermê ye.

Kesên axivîn, soza şopandina rêya şehîdan dan û banga yekitiyê li pêkhateyên herêmê kirin.

Ji aliyê xwe ve fermendarê Hêzên Sûriye Demokratîk Omîd Gabar soza tolhildanê ji şehîdan re da û rola mezin a Hêzên Sûriye Demokratîk di tunekirian El-Bexdadî de bi bîr xist.

Di dawiya merasîmê de wesîqeya şehadeta şehîd ji hêla endama Meclisa Malbatên Şehîdan Reşa El-Taha ve hate xwendin û radestî malbata şehîd kir.

Paşê cenazeyê şehîd di nav berzkirina sloganên dilsoziya bi şehîdan re hate veşartin.

(şx)

ANHA