Şêniyên Tirbespiyê şehîd Hemze Xelef oxir kirin

Şêniyên navçeya Tirbespiyê ku tev li bi merasîma oxirkirina şehîd Hemze Xelef bûn, banga berxwedanê û girêdana bi axê kirin û diyar kirin ku divê civaka navneteweyî sînorekî ji sûcên Tirkiyê re deyne.

Berxwedana Rûmetê

26 cotmeh, 2019 10:39

QAMIŞLO

Îro sedan şêniyên navçeya Tirbespiyê bi merasîmek girseyî, cenazyê şervanê Erka Xweparastinê Hemze Xelef ku di êrişên artêşa Tirk a dagirker di Berxwedana Rûmetê li Serêkaniyê de şehîd bû, oxir kirin.

Merasîm li goristana şehîd Dilşêr a gundê Dugirê pêk hat. Li goristanê merasîm bi bîranîna cangoriyên azadiyê destpê kir, paşê bi navê Meclisa Malbatên Şehîdan endamê rêveberiyê Ebdulkerîm Hesen û bi navê malbata şehîd Hemze, Înad Xelef axivîn.

Axaftvanan sûcên Tirkiyê derheqê gelên Sûriyê û komkujiyên ku derheqê zarokan pêk tîne, şermezar kir û îşaret bi girîngiya rawestandina van sûcan ji aliyê civaka navneteweyî û darzandina Erdogan kirin.

Her wiha axaftvanan banga dewamkirina berxwedanê û girêdana bi axê kirin.

Paşê apê şehîd axivî û dewama rêya şehîd Hemze heta pêkanîna serkeftinê da.

Di dawiya merasîmê de, wesîqeta şehîd hate xwendin û radestî malbata wî hate kirin.

Di nav têlîliyên dayîkan de, şehîd Hemze hate oxirkirin.

(jo)

ANHA