Şandeyek jinên ewropî serdana Eyn Îsayê kir

Şande ji 5 endamên ji tevgerên jinan ên Îtalyayê Julia, Letitia, Simona, Adly, Jia pêk hat.

Şande ji hêla seroka Desteya Jinan a Rêveberiya Xweser Cîhan Xidro û her du cîgirên wê Meha El-Elî û Rûken Mela Ibrahîm ve hate pêşwazîkirin.

Her du aliyan civînek li dar xist. Di civînê de seroka Desteya Jinan Cîhan Xidro sazumaniya rêxistinî ya Rêveberiya Xweser a Bakur û Rojhilatê Sûriyê, armanc û xwezaya karê desteyê şîrove kir.

Cîhan tekez kir ku jin li herêmên Bakur û Rojhilatê Sûriyê rola xwe rastîn dilîze û di her qadan de; siyasî, civakî û leşkerî cih digirin. Her wiha destnîşan kir ku jinan di nav refên YPJ`ê de şerê terorê kir û rolek di tunekirina wê de li Dêrazorê lîstin.

Cîhan di nava axaftina xwe de diyar kir projeya netewa demokratîk a li herêmên Rêberiya Xweser pêk hatiye, projeya ne navendî, pirrengiya demokratîk diyar kir. Her wiha got, Desteya Jin beşek ji vê projeyê ye ku mîna wê di cîhanê de tine ye û destnîşan kir ku jinên Kurd di vî alî de li pêş bûn.

Ji aliyê xwe ve şandeya Îtalî pesna tecrubeya jinan li herêmên Bakur û Rojhilatê Sûriyê da. Endamên şandeyê destnîşan kirin ku wan serdana gelek herêmên gelek pêkhate lê dijîn kirin, dîtin ku her pêkhateyek bi azadî û bi çanda xwe dijî.

Seroka Desteya Jinan Cîhan Xidro bersîva pirsên şandeyê da yên girêdayî cih û erdnîgariya Eyn Îsayê weke mînaka biratî û pirrengiya di navbera tevahiya pêkhateyên herêmê de ye.

Di dawiya serdanê de şandeyê spasiya Rêveberiya Xweser û Desteya Jinan kir û hêvî kirin ku carek din serdana herêmê bikin da ku tecrubeya jinê nas bikin û hewl bidin li qadek berfirh belav bikin.

Serdana şandeya jinan a Îtalî li herêmên Bakur û Rojhilatê Sûriyê berdewam e. Tê payîn ku şande serdana herêmên nû ji DAIŞ`ê rizgarkirin bike.

(şx)
ANHA