‘Azadiya me rûmeta me ye, ji kolekirina jinan re na’

Endamên Meclisa Jinan a Dêrazorê destnîşan kir ku şîdeta li ser jinan yek ji dozên girîng di civakê de ye û ji bo bidawîkirina wê di bin dirûşmeya “Azadiya me rûmeta me ye, na ji kolekirina jinan re” dest bi çalakiyan kir.

20 mijdar, 2018 13:16

DÊRAZOR

Di çarçoveya çalakiyên 25’ê Mijdarê Roja Têkoşîna li dijî Şîdeta li ser Jinan, Meclisa Jinan a Dêrazorê pêngavek di bin dirûşmeya “Azadiya me rûmeta me ye, ji kolekirina jinan re na” da destpêkirin.

Di pêngavê de semînerên hişyarkirinê û civînên danasîna roja 25`ê Mijdarê li gelek herêmên Dêrazorê wekî El-Kibir, kampa Ebo Xeşeb, El-Kesra û Hîmar El-Kesra hatin lidarxistin. Di civînan de, şîdeta li ser jinan di aliyên psîkolojîk, laşî û nêzîkatiyên civakî de hate nîqaşkirin.

Der barê mijarê de, endamên rêveberiya Meclisa Jinan li herêmên El-Cezrat Şehrezad El-Casim û herêma El-Kesra Nesrîn El-Elî destnîşan kir ku ji hemû aliyan ve şîdeta li dijî jinan tê kirin, ew jî yek ji dozên girîng e ku hîna di civakê de maye.

Her du rêveberiyan diyar kir ku armanca pêngavên têkoşîna li dijî şîdeta li ser jinan şiyarkirina jinan û danasîna maf û erkên di wekheviyê de ye û bang li hemû jinan kir ku ji bo azadî û rûmeta xwe rabin ser pêyan.

(jo)

ANHA