Zanîngeha Rojava dema tomarkirina karmendên Rêveberiya Xweser dirêj kir

Zanîngeha Rojava ji bo karmendên Rêveberiya Xweser, di 23ˊyê Gulanê de projeyek taybet xwendinê dabû destpêkirin; (Mamostetiya Refê, Ziman û Wêjeya Kurdî, Dîrok û Mafnasî).

Îro, Zanîngeha Rojava dirêjkirina dema tomarkirinê ji bo projeya xwendinê ya taybet bi karmendên Rêveberiya Xweser ragihand, her wiha li gel vê yekê beşên nû hatin zêdekirin:

- Guhertina dema tomarkirinê: Dema tomarkirinê hat dirêjkirin û wê heta dîroka 11-06-2026'an berdewam bike, ji bilî rojên în û şemiyê.

- Beşên nû: Tevî beşên ku berê hatibûn ragihandin, beşên nû jî hatin vekirin ew jî ev in: Beşa Erdnîgarî, beşa Fîzîk û beşa Ragihandinê.

Mercên pejrandin û tomarkirinê yên guhertî:

- Beşa Mafnasî (Hiqûq): Mercên berê wekî xwe dimînin û tu guhertin tê de nehatine kirin.

- Beşa Ragihandinê: Mafê her kesê/a ku di saziyeke ragihandinê ya ser bi Rêveberiya Xweser ve yan jî di saziyeke ragihandinê ya ku fermî rêdana xwe ji Rêveberiya Xweser girtiye, dixebite, dikare serlêdanê bike; bi şertê ku herî kêm çar salan di vê qadê de xebitîbe û niha jî di karê xwe de berdewam be. Her wiha serlêder wê di azmûneke qebûlkirinê re derbas bibin.

- Beşên (Erdnîgarî, Dîrok, Mamostetiya Refê, Wêjeya Kurdî, Fîzîk): divê kesê serlêder herî kêm 3 salan di qada perwerdeyê (girêdayî Desteya Perwerde û Fêrkirinê ya Rêveberiya Xweser) de xebitîbe û heta niha li ser kar be û mamosteyê/a materyalekê ji van materyalan be.

- Ji bo karmendên Rêveberiya Xweser ên di saziyên din ên cihêreng de: Ew jî dikarin serlêdana van beşên navborî (Erdnîgarî, Dîrok, Mamostetiya Refê, Wêjeya Kurdî, Fîzîk) bikin, bi şertê ku serlêder herî kêm çar salan karmendê Rêveberiya Xweser be û heta niha di karê xwe de berdewam be, her wiha wê di azmûneke nivîskî ya qebûlkirinê re derbas bibe.

Têbînî: Ji bo naskirina belgeyên pêwîst, ji kerema xwe li lînka berê ya ku li jêr pêvekirî ye binêrin.

https://www.facebook.com/share/p/1E3y1s4Gfm/?mibextid=wwXIfr

(fr)