Yekitiya Şaredariyên Dêrazorê xebatên xwe nirxandin

Meclisa Yekitiya Şaredariyan a Dêrazorê civîna xwe ya sala 2025ˊan li hola Meclisa Rêveber a herêma Meamil a kantona Dêrazorê li dar xist.

Endamên meclîsên kantonê û şaredariyan, nûnerên sazî û dezgehên sivîl, nûnerên Desteya Jinan, Meclisa Kombûna Jinan a Zenûbiyayê û nûnerên Yekitiya Şaredariyên Bakur û Rojhilatê Sûriyeyê amade bûn.

Civîn bi deqeyek rêzgirtinê dest pê kir, piştre hevseroka Meclisa Yekitiya Şaredariyan a Dêrezorê Hîbe El Zarih bi xêrhatina beşdaran kir. Dûre rewşa rêxistinî û raporên salane yên beşên Meclisa Yekitiya Şaredariyan a kantonê hatin xwendin.

Piştre, sînevîzyonek li ser xebat û destkeftiyên Meclisa Yekitiya Şaredariyan a Dêrazorê yên sala 2025’an û zehmetî hatin pêşkêşkirin.

Di civînê de hevserokê Yekitiya Şaredariyan a Dêrezorê Mahir Elawî diyar kir ku armanca vê civînê ew e ku şaredarî li ser astengî û zehmetiyên ku di dema pêkanîna projeyên xwe de rastî wan hatine nîqaş bikin û çareseriyên derbaskirina van zehmetiyan bibînin.

Elawî anî ziman ku  şaredariyên li kantonê nêzî 67 xebat pêk anîne.

Di dawiyê de encamên girîng hatin diyarkirin, weke; erkdarkirina nivîsgeha pîşeyî li her şaredariyekê ku kefşên texmînî yên xebatan amade bikin, xebatên 2026ˊan pêşkêş bikin, xebatên girîng ên 2026ˊan diyar bikin.

(ac/fr)

ANHA