Xelkê Bakur û Rojhilatê Sûriyeyê salvegera Şoreşa 19ˊê Tîrmehê pîroz kir
Li gelek bajar û herêmên Bakur û Rojhilatê Sûriyeyê bi boneya salvegera 12ˊemîn a Şoreşa 19ˊê Tîrmehê rêzeçalakî û şahî hatin lidarxistin.
Partiya Yekitiya Demokratîk (PYD) li taxên Qidûrbeg, Kornîş û Enteriyê yên bajarê Qamişlo şahî li dar xistin.
Di şahiyan de xelkê taxan amade bûn, wêneyên Rêber Abdullah Ocalan û alên Rêveberiya Xweseriya Demokratîk hildan.
Di şahiyan de axaftin hatin kirin. Axêveran salvegera Şoreşa 19ˊê Tîrmehê pîroz kir û ji bo parastina destkeftiyên şoreşê banga bilindkirina têkoşînê kir.
Şahî bi pêşkêşkirina stran û gerandina dîlanan dewam kir.
Li bajarê Girkê Legê jî bi sedan xelkê bajêr beşa şahiya 19ˊê Tîrmehê ya li hola Rojhilat hatiye lidarxistin bûn.
Hevseroka Meclisa Bajarê Girkê Legê Nesrîn Tahir axivî û got: "Divê, ji bo parastina nirxên şoreşê û pêkanîna azadiya fîzîkî ya Rêbertî têkoşînê mezin bikin."
Şahî bi stranên komên hunerî yên Navenda Aram Tîgran a Çand û Hunerê û dîlanan bi dawî bû.
Li bajarê Dirbêsiyê jî bi boneya salvegera Şoreşa 19ˊê Tîrmehê bi beşdariya bi sedan xelkê bajêr, endamên sazî, meclis û nûnerên ji partiyên siyasî hat pîrozkirin. Şahî li Parka Şehîd Zevîn hat lidarxistin.
Dûre hevseroka rêxistina PYDˊê ya Dirbêsiyê Diyana Ebdullah axivî û salvegera Şoreşa 19ˊê Tîrmehê li tevahî gelên Bakur û Rojhilatê Sûriyeyê pîroz kir û wiha got: "Şoreşa 19ˊê Tîrmehê, şoreşa rizgariya ji zihniyeta desthilatiyê û vejandina gelê Kurd û tevahî gelên Bakur û Rojhilatê Sûriyeyê ye."
Di dawiyê de koma Şehîd Zîlan a Navenda Çand û Hunerê ya Dirbêsiyê hunerên xwe pêşkêş kirin, her wiha dîlan li ber stranên şoreşgerî hat gerandin.
(fr)
ANHA
Şedade
Tirbespiye
Derbasiye
Qamişlo