Topek li baregeha UNIFILˊê ya li başûrê Lubnanê ket

Hêza Demkî ya Neteweyên Yekbûyî li Lubnanê (UNIFIL) îro ragihand ku baregeha wê ya li bajarokê Naqora yê başûrê Lubnanê, nêzîkî sînorê bi Îsraîlê re, bi topekê hat lêdan.

UNIFILˊê di daxuyaniyekê de diyar kir, "Îro (Duşem) berî nîvro, topek li avahiyek di nav baregeha UNIFILˊê de ket. Tîmên Bêbandorkirina Teqemeniyên ji bo çareserkirina rewşê dixebitin. Em bawer dikin ku top ji hêla aktorek ne-dewletî ve hatiye avêtin."

Piştî Hizbullahˊê îro berpirsiyariya herî kêm 2 êrişên mûşekî yên li dijî hêzên Îsraîlê li Naqora girt ser xwe pêk hat. Êrişek, saet di 11:00ˊê sibê (09:00 GMT) de, "kombûnek leşkerên Îsraîlî li nêzîkî avahiya şaredariya Naqora" hedef girt û ya duyem 2 saet şûnda, "kombûnek wisa li nêzîkî dibistanek li Naqora" hedef girt.

UNIFILˊê da zanîn ku wan di 48 demjimêrên borî de li bajêr û derdora wê "top û teqînên giran" dîtine û destnîşan kir ku  "gule û perçeyên topan li avahî û deverên vekirî yên di navenda wê de ketin," û destnîşan kir ku "di encamê de, hêzên wê ji bo zirarê nebînin di stargehan de asê man."

(fr)