‘Têkoşîna me heta azadiya Rêber Ocalan dê berdewam be’
Jinan ji pêkhateyên Herêma Bakur û Rojhilatê Sûriyeyê tecrîda li ser Rêber Abdullah Ocalan Ocalan şermezar kir û destnîşan kir ku heta azadiya wî ya fîzîkî bi dest bikeve, ew ê têkoşînê bidomînin.
![‘Têkoşîna me heta azadiya Rêber Ocalan dê berdewam be’](https://hawarnews.com/kr/uploads/images/202406/image_870x_667db4f789250.jpg)
Li hember siyasetên li dijî Rêber Abdullah Ocalan ên desthilata Tirk û qedexekirina hevdîtinê bi malbat û parêzeran re, hêrsa gelê herêma Baku û Rojhilatê Sûriyeyê zêde dibe.
Endama Meclisa Kombûna Jinan a Zenûbiya ya herêma El Basîra ya kantona Dêrazorê Hala El Elî sûcên ku dewleta Tirk a dagirker li dijî Rêber Abdullah Ocalan dike, şermezar kirin. Halayê diyar kir ku dewleta Tirk a dagirker bi van siyasetên xwe mirovahiyê û peymanên navneteweyî binpê dike.
Endama meclisê Muradî El Ehmed jî sûcên dewleta Tirk şermezar kirin û bang kir ku Rêber Abdullah Ocalan serbest were berdan û got: "Jin dê li qadên azadiyê bin ta ku azadiya wî ya fîzîkî bi dest bixin."
Xewle Walî jî tecrîda li ser Rêber Abdullah Ocalan û parvenekirina agahiyan li ser rewşa wî, şermezar kir û got: "Heta dawiyê em bi Rêber Abdullah Ocalan re ne."
Hemrîn Elî jî bal kişand ser hewldanên dewleta Tirk a dagirker û got: "Wisa difikire ku dikare rê li pêşiya belavbûna ramanên Rêber Abdullah Ocalan bigire. Ev raman, azadiya gelên bindest rave dike."
Necwa El Ebasî jî bêdengiya civata navneteweyî û rêxistinên hiqûqî ya li hember tecrîda li dijî Rêber Abdullah Ocalan şermezar kir û got heta dawiyê dê têkoşîna ji bo azadiya fîzîkî ya Rêber Abdullah Ocalan bidomînin.
(şx)
ANHA
dirbêsiyê