Sersaxî ji malbata şehîd Maşûq re xwestin

Şêniyên kantona Cizîrê di merasîma sersaxiyê ya şehîd Maşûq Serbaz de soz dan ku heta dawiyê şopdarên rêya şehîdan bin.

ROJANE

6 cotmeh, 2024 13:57

QAMIŞLO

Ji bo şervanê Hêzên Erka Xweprastinê Maşûq Serbaz Mihemed ê ku 3’yê Cotmehê li kantona Dêrazorê li erka xwe şehîd bûbû, merasîmê sersaxiyê hat lidarxistin.

Bi sedan şêniyên bajarê Qamişlo, gund û bajarokên dorê, rûspiyên êlên Ereb sersaxî herikîn bin konê sersaxiyê ku li bajarokê Girbawî yê li pêşiya mala şehîd hatiye vedan.

Endamê rêveber ê Meclisa Malbatên Şehîdan a bajarokê Girbawî Mihemed Xelîl axivî û sersaxî da malbata şehîd û şehîdên azadiyê û got: "Li vir em careke din soz didin ku têkoşînê li ser şopa şehîdan wê heya dawiyê bidome. Em ê armancên wan ên ku di oxira wê de şehîd bûne, pêk bînin."

Ji fermandarên Meclisa Leşkerî ya Qamişloyê Nezîr Sofî axivî û got: "Ji destpêka têkoşîna tevgera rizgariya Kurdistanê ve, şêniyên bajarokê fedakariyên mezin di oxira dozê de kirin û hîna dikin."

Dûre wesîqeya şehadeta şehîd hate xwendin û radestî malbatê hate kirin.

(şx)

ANHA