Şerê Amerîka-Îranê û zêdebûna rageşiyê li başûrê Lubnanê di medyaya Erebî de

Medyaya Erebî bandorên şerê Amerîka-Îranê bi ewlehiya Tengava Hurmuz û Bab El Mandeb û bandora wan li ser enerjî û bazirganiyê ve girêda, di heman demê de arîşeya zêde ya li başûrê Lubnanê û danûstandinên rawestiyayî herêmê dikeve qonaxek nû a rageşiyê.

14 îlon, 2026 10:24

NAVENDA NÛÇEYAN

Medyaya Erebî îro li ser Tengava Hurmuz û Bab El Mandeb, bandorên şer li ser rêyên enerjiyê û rewşa li başûrê Lubnanê nivîsî.

Di gotarek ku di rojnameya El Erebî El Cedîd de bi sernavê "Îran û Bab El Mandeb... Erdnîgarî wekî Çekek Nukleerî" hatiye weşandin de, tê diyarkirin ku dirêjkirina bandora Îranê ji Hurmuzê ber bi Bab El Mandeb bi rêya Hûsiyan her du tengavan dike beşek ji hevkêşeyek herêmî û navneteweyî ya berfirehtir.

Gotarê destnîşan kir ku ev bandor ne hewce ye ku tengav bi tevahî werin girtin, lê belê tenê "gefa, têkbirin û zêdekirina lêçûna geştên deryayî, bazirganî û enerjiyê" têrê dike ku erdnîgarî veguherîne amûrek zext û astengkirinê.

Di rojnameya El Erebî El Cedîd de gotarek bi sernavê "Riyad dê çi bike?" hate weşandin. Bandorên aloziyê li ser Erebistana Siûdî û Kendavê hatin nîqaşkirin û ji Riyadê hate xwestin ku pêşketinan wekî mijarek ewlehiya Kendavê û herêmê û rewşa Siûdiyê çareser bike.

Hate gotin ku "dawîanîna vê rewşa pir neasayî" divê di nav înîsiyatîfek berfirehtir a Kendavê û herêmê de bibe pêşîniyek.

LUBNAN Û SIBEROJA RÛBIRÛBÛNA BI ÎSRAÎLÊ RE

Rojnameya El Ehram di gotarek bi sernavê "Havîna Lubnanê gewr e û dibe ku şer berdewam bike", behsa şerê berdewam li başûr û tevliheviyên pêvajoya danûstandinan kir, ji ber israra Îsraîlê ya girêdana vekişînê bi mijara çekên Hizbullahê re.

Di gotarê de hate destnîşankirin ku "her peymanek bi Lubnanê re bi dewletek ku nikare Hizbullahê bêçek bike, ne mimkun e", di heman demê de Lubnan hîn jî bi rewşek siyasî û ewlehiyê ya pir aloz re rû bi rû ye.

Di gotara rojnameya El Nehar a Lubnanî de bi sernavê "Zextên Amerîkî ji bo vekişandina çekan li bakurê Litanî... Îsraîl Hizbullah dorpêç dike û şertên danûstandinê bilind dike," rojnameyê bal kişand li ser zextên Amerîkî û Îsraîlê yên têkildarî çekên Hizbullahê û şertên danûstandinê her wiha bal kişand ser têkiliyên berdewam ên partîyê bi Îranê re û bilindbûna sînorê daxwazên Îsraîlê di her pêvajoya danûstandinê de bi Lubnanê re.

(k)

ANHA