Şêniyên Dêrikê şehîd Mihemed Emîn bi bîr anîn

Şêniyên bajarê Dêrikê bi merasîmekê endamê PYD`ê şehîd Mihemed Emîn bi bîr anîn û destnîşan kirin ku têkoşîn û berxwedan erka her kesî ye.

ROJANE

17 tebax, 2025 22:09

QAMIŞLO

Ji bo endamê Partiya Yekitiya Demokratîk (PYD) şehîd Mihemed Emîn Mihemed li gundê Girziyaret Abasa yê bajarê Dêrikê, konê sersaxiyê hate vedan. Şêniyên bajarê Dêrikê û gundan, tev li merasîma sersaxiyê bûn.

Şehîd Mihemed Emîn Mihemed 25`ê Hezîrana 2015`an ji ber nexweşiya giran li Mexmûrê şehîd bûbû.

Di merasîma sersaxiyê de, endama Meclisa Malbatên Şehîdan a herêma Koçerat Suad Şawîş axivî û got: “Ji bo ku gelê Kurd serkeftinê bi dest bixe, berxwedan û têkoşîn gerek e. Şehîd Mihemed li ser şopa şehîdan, li gorî ramanên Rêber Abdullah Ocalan, ji bo sepandina demokrasiyê û aştiyê li Bakur û Rojhilatê Sûriyeyê, xizmeta civaka xwe kir.”

Endamê Meclisa Bajarê Dêrikê Mehmûd Îbrahîm jî wiha axivî: “Di vê pêvajoyê de, hevgirtin gelek girîng e. Plan li dijî biratiya gelan gelek in.”

Di dawiya merasîmê de, wesîqeya şehadetê ys şehîd Mihemed Emîn MIhemed hate xwendin û radestî malbata wî hate kirin.

(şx)

ANHA