Li Reqayê şehîd Nûreddîn Sofî, Koçero Urfa û Egîd hatin bibîranîn

Yektiya Jinên Ciwan bi hevkariya Meclisa Malbatên Şehîdan a kantona Reqayê, şehîd Nûreddîn Sofî, Koçero Urfa û Egîd bi bîr anîn.

ROJANE

17 tebax, 2025 23:01

REQA

Yekitiya Jinên Ciwan bi hevkariya Meclisa Malbatên Şehîdan a kantona Reqayê, ji bo şehîd Nûreddîn Sofî, Koçero Urfa û Egîd li Navenda Çandê ya bajarê Reqayê merasîmek li dar xist.

Endamên Tevgera Ciwanên Şoreşger a Sûriyeyê, Yekitiya Jinên Ciwan, Meclisa Malbatên Şehîdan û nûnerên rêxistinên civaka sivîl beşdarî merasîmê bûn.

Rêvebera Komîteya Koordînasyona Jinan li Meclisa Malbatên Şehîdan Cemîla Xelîl diyar kir ku bîranîna şehîdan ne kêliyeke xemgîniyê ye, lê belê sozek e û xwîna wan wê bibe çirayek ber bi azadî û rûmetê.

Di merasîma bîranînê de stranek ji aliyê Sîpan Tolhildan ve ji bo şehîdan hate pêşkêşkirin ku wateya berxwedan û wefadariyê hildigirt, piştre sineviziyonek li ser têkoşîna her 3 şehîdan hate pêşandan.

Di dawiya merasîmê de, şanoyek li ser hestên serbilindiyê û israrê ku şehîdan di wijdanê civakê de hiştiye ji aliyê Koma Kewkeb El Tifûle ve hate pêşandan.

(ac/şx)

ANHA