Şehîdê HREˊyê Soro Berxwedan hat oxirkirin
Xelkê kantona Efrîn û Şehbayê cenazeyê şervanên HREˊyê şehîd Mihemed Hesen (Soro Berxwedan) oxir kir.
Bi sedan koçberên Efrînê û xelkê Şehbayê li kantona Efrîn û Şehbayê cenazeyê şervanê Hêzên Rizgariya Efrînê (HRE) şehîd Mihemed Hesen (Soro Berxwedan) li Goristana Şehîd Sozdar Amanos a bajarokê Fafînê oxir kir. Şervan Soro Berxwedan di 9ˊê Tebaxê de şehîd bû.
Endamê Meclisa Malbatên Şehîdan Mihemed Wilo sersaxî da malbat şehîd û got: "Şehîd Soro Berxwedan ji malbateke welatparêz e û di oxira parastina gelê xwe de canê xwe da."
Endama rêveber a Meclisa Kantona Efrîn û Şehba Xedîce Îbo axivî û got: "Em îroj tevahî şehîdan bi bîr tînin û bejna xwe li beramber fedakariyên wan ditewînin."
Birayê şehîd Soro, Delîl Hesen soza şopandina rêça birayê xwe û tolhildanê da.
Di dawiyê de wesîqeya şehîd hat xwendin û radestî malbatê hat kirin.
(fr)
ANHA
