Şehîd Şerîf El Şerîf li Minbicê hat veşartin
Şêniyên kantona Minbicê şervanê Meclisa Leşkerî ya Minbicê Şerîf El Şerîf li goristana şehîdan a Minbicê veşart.
Bi sedan şêniyên kantona Minbicê şervanê Meclisa Leşkerî ya Minbicê Şerîf El Şerîf ku di 21'ê Gulanê de di dema pêkanîna erkê xwe de şehîd bûye, li goristana şehîdan a Minbicê veşart.
Di merasîmê de endamê Meclisa Malbatên Şehîdan a Minbicê Nîzar Cawîş fedakariya şehîdan a ji bo peydakirina jiyaneke aram û ewle anî ziman û soza şopandina rêya şehîdan heta pêkanîna serkeftinê da.
Yek ji fermandarên Meclisa Leşkerî ya Minbicê Îbrahîm Şirêdir got: "Şehadet îsrara me ya berxwedanê zêde dike. Ew ji bo me serbilindî ye. Tiştê herî binirx ew e ku mirov ruhê xwe ji bo welat û gelê xwe feda bike."
Hevseroka Meclisa Rêveber a kantona Minbicê Ezab El Ebûd teqezî bi îradeya xurt a şêniyên Minbicê û lehengiya wan a ji bo pêkanîna serkeftinê û têkbirina dagirkeran, da.
Piştre wesîqeya şehadetê ya şehîd hat xwendin û radestî malbata wî hat kirin.
Şehîd bi tilîliyên dayikan û siloganên "Bi can bi xwîn em bi te re ey şehîd" hat veşartin.
(mh)
ANHA
