Şehîd Nasir El Felah hat oxirkirin

Bi merasîmeke girseyî cenazeyê şervanê QSDˈê şehîd Nasir El Feleh li Reqayê hat veşartin.

ROJANE

2 kanûn, 2024 15:16

REQA

Cenazeyê şervanê QSDˈê Nasir Raşid El Felah ku 30ˈê Mijdarê dema erka xwe bi cih dianî li Helebê şehîd bûbû, li Pakrewangeha Şehîdan a li gundê Hikumiyê yê Reqayê hat veşartin. Endamên saziyên civaka sivîl, hêzên leşkerî, Rêveberiya Xweser, şêx û rûspiyên eşîran, tevî şêniyên kantona Reqayê beşdarî merasîmê bûn.

Merasîmê bi rêzgirtin û torana leşkerî ya şervanên Meclisa Leşkerî ya Reqayê dest pê kir. Piştre ji fermandarên QSDˈê Mehmûd Kobanê axivî.

Mehmûd Kobanê sersaxî ji malbata şehîd re xwest û got wek QSD amade ne her bihosteke xaka Sûriyeyê biparêzin. Mehmûd Kobanê heya avakirina Sûriyeke demokratîk a nenavendî soza domandina têkoşînê da.

Endama Meclisa Malbatên Şehîdan a Reqayê Ebîr El Hacî sersaxî ji malbata şehîd re xwest û şervanên QSDˈê yên li eniyên berxwedanê silav kir û got: "Şehîdên me bi lehengî xaka me parast. Xema wan a yekane welatekî azad e."

Di dawiyê de wesîqeya şehîd hat xwendin û radestî malbata wî hat kirin.

Cenazeyê şehîd bi dirûşm û tilîliyên dayikan hat veşartin.

(bb)

ANHA