Şandeyek ji PYD’ê tev li Konferansa Hevpeymaniya Cîhana Erebî bû

Îro, li paytexta Urdun Emanê Konferansa Hevpeymaniya Demokratên Sosyalîst a Cîhana Erebî, bi beşdariya şandeyek ji Partiya Yekitiya Demokratîk (PYD) dest pê kirin. Şandeya PYD’ê ji Hevserokê PYD’ê Xerîb Hiso, Hevseroka Nivîsgeha Têkiliyan a PYD‘ê Sema Begdaş û endamê Nivîsgeha Têkiliyên Diplomasî ya Rojava pêk hat. 

Di konferansê de Serokê Partiya Demokratîk a Sosyalîst a Urdunê Ebdulhelîm Elîmat, nûnerê Partiya Yekitiya Niştîmanî ya Kurdistanê Seed Pîra, Koordînasyona Cîhanî ya Hevpeymanê Basil Kamil, berpirsa Têkiliyên Derve ya Partiya Blokê Hala Bin Yûsif û hejmarek ji nûnerên partiyên dîtir axivîn.

Di axaftinan de bal kişandin ser girîngiya xurtkirina hevkarî û hevrêziya di navbera hêzên demokratîk û civakî. Her wiha li ser guhertinên siyasî, astengiyên aborî û civakî yên li herêmê, serweriya hêzên çepgir li ser asta cîhanê û pêwîstiya pêşxistina xebata hevbeş ji bo parastina demokrasî, edaleta civakî, wekhevî û mafên gelan nîqaş hatin kirin.

Bernameya konferansê li ser pirsgirêkên Kurdî, pirrengiya çandî û olî li herêma Ereban, şans û astengiyên girêdayî pirsgirêka Kurd û asoyên dîtina çareseriyên demokratîk bûn.

Konferansê wê heta sibe dewam bikin. Dê rêziknameya siyasî û rêziknameya hevpeyamnê bên nîqaşkirin, komîte û erkên di hundirê desteya rêveber de bên hilbijartin û konferans bi encamnameyekê bi dawî bibe.

(f)