Rêxistina Nûdem ji bo zarokên astengdar dewreyeke perwredeyê dest pê kir

Rêxistina Nûdem ji bo zarokên astengdar perwerdeya muzîk, wêne û lîstokên cur be cur vekir. Wê perwerde 40 rojan bidome. Perwerde bi armanca ku astengdar jî di civakê de bikaribin xwe îfade bikin, hatiye vekirin.

Perwerde li parka Ronîwar ku di nava xwe de bi dehan zarokan dihewîne dest pê kir.

Rêveberiya Cibcîkar a Rêxistina Nûdem a bakur û rojhilatê suriyeyê  Daviyan Mehmûd axivî û ev tişt got; " Proje bi navê “Pirek ber bi Kobanê ve” me dest pê kir. di projeya me de wê perwerdeya zarokên astengdar di hemû aliyan de bê destgirtin. Wê têde çandiniya daran jî ji aliyê zarokên astengdar ve bê çandin. "

Hevserokê Fakulteya Wêje a Zanîngeha Kobanê Mihemed Berho jî da zanîn ku zanîngeha Kobanê jî tevlî vê pirojeya Rêxistina Nûdem bû û got; "Ew zarokên ku di nava civakê de weke zarokên ku nikarin tiştekî bikin tên pênasekirin, lê em ê vê hişmendiyê bi hêza xwe ya perwerdekirina zarokan bigherin. Perwerdeya me jî ji aliyê Kadroyên zanîngeha Kobanê û kesên pispor ve tê birêvebirin. Ev perwerde jî wê 40 rojî dirêj bike û bi xwera pêşketina ji zarokên astengdare bîne."

(sş)

ANHA