Meşaleya Newroza 2025’an gelê Sûriyeyê anî gel hev

Gelê Bakur û Rojhilatê Sûriyeyê di pîrozbahiyên Newroza îsal de peyamên azadî, demokrasî û rûmetê dan. Her wih daxwazên xwe yên avakirina Sûriyeke demokratîk a pirrengî ya ku mafên hemû pêkhateyan mîsoger dike dûbare dikin. Di pîrozbahiyan de hevgirtina gelan û israra wan a bidestxistina azadiya fîzîkî ya Rêber Abdullah Ocalan derketin pêş.

ROJANE

22 adar, 2025 07:45

QADA NEWROZÊ: MOZÎKA DENG Û RENG

Li Heleb û 7 navendên Herêmên Rêveberiya Xweser a Bakur û Rojhilatê Sûriyeyê bi dehhezaran Kurd, Ereb, Suryan, Asur û Ermen bi hev re Newroza 2025’a de pîroz kir. Di pîrozbahiyan de peyamên xurt ên yekitî û berxwedanê derketin pêş. Qadên pîrozbahiyan wekî tabloyeke rengîn dixuya û her kes bi cilên xwe yên neteweyî beşdarî bûn. Wêneyên Rêber Abdullah Ocalan, alên QSD û YPG’ê li ba dibûn.

Di pîrozbahiyan de atmosfêreke bi coş derket pêş, li ber awaz û stranan dirûşme hatin berzkirin û govendên yekitî û piştevaniyê hatin gerandin.

Ev pîrozbahiya yekemîn piştî rûxandina rêjîma Baas li Sûriyeyê bû û di bin dirûşmeya "Azadiya fîzîkî ya Rêber Apo mîsogeriya civaka demokratîk e" bû sembola yekîtî û berxwedanê.

PEYAMÊN NEWROZÊ

Li gel coşa gel û çalakiyên hunerî û çandî, peyamên bi hez ji pîrozbahiyên Newrozê derketin.

Azadî û rûmet: Di pîrozbahiyan de beşdaran careke din israra xwe ya bidestxistina azadiya fîzîkî ya Rêber Abdullah Ocalan teqez kirin ku ji bo gelan sembola têkoşîna rûmetê ye. Ciwanekî ku wêneya Rêber Abdullah Ocalan bilind kiribû got: ’’Newroz cejna azadiyê ye. Em li vir in da ku bêjin em ji xeyalên xwe yên Sûriyeya demokratîk nayên xwarê.’’

Di pîrozbahiyan de peyamên azadî û rûmetê jî hatin dayîn. Beşdaran bi bîr xistin ku Newroz sembola berxwedan û rizgariya ji zilmê ye. Her wiha hat teqezkirin ku gelê ji bo azadiyê diqêre wê tu carî tarîtiyê qebûl neke.

Yekitiya pêkhateyan: Di pîrozbahiyên Newrozê de her wiha peyamên yekitiya nîştimanî ya pêkhateyên Bakur û Rojhilatê Sûriyeyê hatin dayîn. Ev jî pirrengiya çandî û jiyana hevbeş a di navbra pêkhateyên herêmê; Kurd, Ereb, Suryan, Asur û Ermen nîşan dide ku di bin banê Rêveberiya Xweseriya Demokratîk de bûne yek.

Piştevaniya berxwedanê gelê Kurd: Di pîrozbahiyên Newrozê de bangên rizgarkirina herêmên dagirkirî wekî Efrîn û Serêkaniyê ji dewleta Tirk û çeteyên wê hatin kirin. Beşdarekê got: "Newroz peyama ku em erdê xwe ji bîr nakin e. Em ê heya rizgarkirina herêmên dagirkirî û vegera koçberan a li warê xwe tê bikoşin."

Di axaftinan de berxwedana gelê Kurd a li hemberî dagirekran, bi taybetî dewleta Tirk a dagirker jî hat bibîrxistin. Her wiha banga azadiya fîzîkî ya Rêber Abdullah Ocalan hat dûbarekirin. Hate gotin, Rêber Apo kilîta aştiyê li Rojhilata Navîn e.

Kesên di pîrozbahiyên Newrozê de axivîn diyar kir ku divê destûra nû ya Sûriyeyê mafên tevahî pêkhateyan nas bike. Hate gotin, destûra ku mafên gelê Kurd wekî yê pêkateyên din mîsoger neke, nayê qebûlkirin.

Mafên Jinan: Jin bi hêz û coşeke mezin beşdarî pîrozbahiyan bûn. Beşdaran diyar kirin ku divê mafên jinan di destûra siberoja Sûriyeyê werin parastin. Çalakvanekê jî got, bêyî azadiya jinan azadiya rasteqîn ne mumkin e.

LI ROJHILATA NAVÎN AŞÎTÎ

Di Newrozê de peyamên aştiyê jî hatin dayîn. Hate gotin, Rêber Abdullah Ocalan xwedî nêrîneke aştiyane ji bo Rojhilata Navîn e ku hewl dide wekhevî û edaletê di navbera gelan de pêk bîne.

Pîrozbahiyên Newroza 2025’an boneyeke ji rêzê nebû, lê belê ev peyama ku gelê Bakur û Rojhilatê Sûriyeyê azadî, demokrasî, rûmet, avakirina Sûriyeke pirrengî hêvî dike, da cîhanê.

(bb)

ANHA

GIRKÊ LEGÊ

DÊRIK

REQAA

HELEB

AMÛDÊ