Li Viyanayê ji bo azadiya fîzîkî ya Rêber Abdullah Ocalan çalakî hat lidarxistin

Bi dehan Kurdistanî û dostên bi daxwaza bicihanîna yasaya “Mafê Hêviyê” ya ji bo Rêber Abdullah Ocalan û misogeriya azadiya wî ya fîzîkî li pêş avahiya Parlamentoya Awistiryayê çalakiyê li dar xist.

Çalakî bi deqîqeyek rêzgirtinê dest pê kir. Piştre endama Tevgera Jinan a Ewropa Nurcan Alagoz axivî û bal kişand ser berxwedana dîrokî ya ku Rêber Abdullah Ocalan li girtîgeha Îmraliyê ji bo azadiya gelê Kurd û bidestxistina aştî û çareseriyek demokratîk ji bo pirsgirêka Kurd nîşan daye.

Nurcan Alagoz diyar kir ku Pêvajoya Aştî û Civaka Demokratîk a ku ji hêla Rêber Abdullah Ocalan ve hatî destpêkirin, derfetek rastîn ji bo çareserkirina pirsgirêkên li Kurdistan û Tirkiyeyê pêşkêş dike û destnîşan kir ku pêwîst e mafê hêviyê ji Rêber Abdullah Ocalan were dayîn û ew bikaribe rola xwe bilîze û bi awayekî girîngtir beşdarî lezandina pêkanîna Pêvajoya Aştî û Civaka Demokratîk bibe.

Nurcan Alagoz di dawiya axafitna xwe de got ku gelê Kurd, hem li Kurdistanê hem jî li derveyî welêt, gelek çalakiyan li dar dixe û daxwaza azadiya fizîkî ya Rêber Apo dike.

Çalakî piştî axaftinan, bi dirûşmeyan bi dawî bû.