Li Siwêdayê pêşangeha "Seda El Kîtab" hat vekirin

Bi boneya Rojava Pirtûkan a Cîhanê Gerînendetiya Perwerdê-Fêrkirinê û Şaxê Pirtûkxaneyên Siwêdayê bi hevkariya Saziya Zerqa El Yemame pêşangeha pirtûkan bi navê "Seda El Kîtab" vekir.

Îro, 22ˊyê Nîsanê, saet 11.00ˊan li şaxê Saziya Zerqa El Yemame-beşa Pêşangeha Pirtûkan a li kolana El Mihwerî ya li hember komelgeha Mezra pêşangeh hat vekirin.

Di pêşangehê de beşên curbicur weke beşa taybet bi zimanê ingilîzî, beşa zarokan û komek ji romanên cîhanî hebûn.

Girêdayî mijarê, gerînendeyê giştî yê Saziya Zerqa El Yemame Wesîm Ebû Fexir got: "Ev bûyer diyar dike ku pirtûk bingeha rewşenbîrî û zanistî ava dike û dostekî îxanetê li xwînerê xwe nake. Divê çanda xwendinê were belavkirin bi taybet li gel zarokan. Ji ber roleke xwendinê ya girîng di pêşxistina afirandinê û vekirina asoyên siberoja wan de heye."

Li aliyekî din jî nûnerê Sendîkaya Mamosteyan Hîşam Ebû Rayid pesna rola saziyê da û spasiya beşdarbûn û pêşengtiya wê di belavkirina rewşenbîrî û fêrbûnê bi dirêjahiya zêdetirî 10 salan de kir.

Di vekirina pêşangehê de hejmarek ji rewşenbîran axivî û got divê tevgera rewşenbîrî li parêzgehê dewam bike. Ji ber ku xwendin di avakirina nifşekî xwenda û rewşenbîrî de ji bo rûbirûbûna astengiyan de xwedî roleke girîng e.

Beşdarbûna hejmarek eleqedarên rewşenbîriyê dîmeneke îsrara civakî ya kirina rewşenbîrtiyê weke pencereya hêvî û stûna ji bo avakirina nifşekî avaker nîşan da.

(fr)

ANHA