Li Kobanê civîna malbatên şehîdan

Meclisa Malbatên Şehîdan a Kobanê di çarçoveya pêngava "Ji Rêber Apo re azadî, ji pirsgirêka Kurd re çareseriya siyasî" de civîneke ji malbatên şehîdan re li dar xist.

ROJANE

12 mijdar, 2023 18:19

KOBANÊ

Civîn li navenda Meclisa Malbatên Şehîdan a Kobanê bi beşdarbûna xwişk û birayên şehîdan hat li darxistin.

Di civînê de hevseroka Meclisa Malbatên Şehîdan a Kobanê Eyşe Efendî axivî, banga xwedîderketina li nirxên şehîdan kir û got: "Em çiqasî bixebitin, dijmin jî dixebitin û hewl dide bi rêya şerê taybet nirx û zarokên şehîdan hedef digire. Ji bo em nirxên şehîdên xwe biparêzin divê em bi hev re têkoşînê xurt bikin."

Xwîşk û birayên şehîdan jî gotin, dê têkoşînê berdewam bikin, tola şehîdên hilînin, bi xurtî tev li pêngava "Ji Rêber Ap re azadî, ji pirsgirêka Kurd re çareserî" bibin û li hemberî şerê taybet ên dewleta Tirk a dagirker bisekinin.

Piştî axaftinan sînevîzyonek li ser nirxandinên Rêber Abdullah Ocalan ên têkildarî girîngiya xurtkirina têkoşînê li hemberî pergalên serdest hat pêşandan.

Civîn bi silogana”Şehîd Namrin” û “Bijî Serok Apo” bi dawî bû.

(sş)

ANHA