Li Kantona Firatê 8 cangoriyên azadiyê bi merasîmeke bi heybet oxir kirin

Bi hezaran şêniyên Kantona Firatê sazî û dezgehên girêdayî Rêveberiya Xweser Salih (Salih Mistefa) di 8`ê Çileyê li Dêra Zorê, Mistefa Ebdî 8`ê Çileyê li Sirînê, Canfeda Amara (Nihar Cûma) di 2`ê Kanûna 2024`an li Şehba, Argêş Ereb (Elî Xelef) di 21`ê Kanûna 2024`an li Bendana Tişrînê, Mazlûm Heleb (Ednan Casim) di 25`ê Kanûna 2024`an li Bendava Tişrînê, Azad Şêx Hisên di 8`ê Çileya 2025`an li Bendava Tişrînê, Egîd (Mihemed Hemo) di 10`ê Çileya 2025`an li Sirînê, Elî Ebas di 8`ê Çileya 2025`an li Sirînê Şehîd bûbûn, îro li pakrewangeha Şehîd Dîcle ya li başûrê bajarê Kobanê bi merasîmeke bi heybet oxir kirin.

Berdevka Inisiyatîva Rêber Abdullah Ocalan a Kantona Firatê Eyşe Efendî sersaxî ji malbata lehengên azadiyê re xwest û bejna xwe li hember şehîdên berxwedanê tewand.

Eyşe diyar kir ku gelê ku bi salane li ber xwe dide û têkoşîn dikin berxwedana wan bi dil û can silav dikin û got: “Şehîdên me bi hemû hêza xwe li hember dagirkeriya dewleta Tirk û çeteyên wê li ber xwe dan û vaye berxwedana hîna berdewam dike. Şehîdên me ji bo axa xwe canê xwe feda kirin, em ê jî ji bo ku xwîna wan li erdê nehêlin dê her time em di nava têkoşîn û berxwedanên de bin.”

Eyşe Efendî anî ziman ku dewleta Tirk heta ji şehîdên me ditirse û axaftina xwe wiha dom kir: “Wek tê zanîn ku her du şehîdên me ku yên ku ji bakur ji dayîk bûne, lê dewleta Tirk nehişt ku cenazeyê Şehîd Cîhan û Nazim cihê ku ji dayîk bûne, lê were veşartin. Dewleta Tirk heta ku ji şehîdên me ditirse ji ber vê yekî cenazeyên het du şehîdên me vegeran. Lê em jî wek dayik soz didin şehêdên xwe ku tu carî xwîna wan li erdê nehêlin û berxwedana ku wan nîvçe hiştî em ê dewam bikin û li ber xwe bidin.”

Hevserokê Tevgera Civaka Demokratîk (TEV-DEM) a Kantona Firatê Enwer Mislim got ku ew her tim deydarê şehên xwe ne û wiha pê de çû: “Ev bû zêdeyî mehekê êrişên dewleta Tirk li ser herêma me heye. Armanca dewleta Tirk ji van êrişan ku gelê herêmê qir bike, lê tu carî gelê herêmê qir nabe. Ji ber ku hêza xwe ji şehîdên xwe digirin, tu kes bi îradeya gelî me nikare. Em çiqas ji bo şehîdan têkoşîn bikin em ê he tim deyndarê wan bikin. Şehîdan ji bo jiyaneke azad û birûmet ava kir.”

Mislim anî ziman ku berxwedana gelê me wê deshilatdariyê têk bibe û got: “Gelê me vaye ji dijmin re îsbat kiriye ku tu kes bi hêza wan nikare, ji ber ku vaye gel li bendava Tişrînê ye ji bo axa xwe biparêzin li wirin. Em ê her tim li ber xwe bikin da ku em jiyaneke wekhev û axad ava bikin.”

Piştra wesîqeya 8 lehengên azadiyê ji aliyê Meclisa Malbata Şehîdan ve hate xwendin û radestî malbata wan hate kirin.

Cenazeyê şehîdan bi tiliyên serkeftinê û bi dirûşma “Şehîd Namirin” spatin axê.

Pişte girseya gel berê xwe dan konê sersaxiya 8 şehîdan.

(sş)

ANHA