Li Dêrazorê operasyoneke taybet a HAT: Çeteyek hat kuştin û yek din hate girtin

Di çarçoveya operasyona sepandina ewlehiyê û îstiqrarê li Dêrazorê ya Hêzên Ewlekariya Hundirîn de çeteyekî hikumeta Şamê hate girtin û yek din hate kuştin. Her wiha gelek çek û cebilxane hatin desteserkirin.

ROJANE

11 mijdar, 2023 10:24

NAVENDA NÛÇEYAN

Hêzên Ewlekariya Hundirîn a Bakur û Rojhilatê Sûriyeyê li ser malperên xwe yên fermi, dateyên operasyona ku Hêzên Antî Terorê (HAT) li Dêrazorê li dar xistiye, parve kirin. Her wiha da zanîn ku di operasyonê de, çeteyekî hêzên hikumeta Şamê hatiye girtin û yek din hatiye kuştin.

Hêzê di daxuyaniya xwe de wiha got: “Piştî xebatên lêgerîn, şopandinê û berhevkirina agahiyan têkildarî komên rejîma Sûriyeyê yên bi hedefgirtina mal û milkên giştî, hewl didin ewlehiya li herêmê têk bibin, hêzên me bi ser cihê wan de girt, pevçûn di navbera hêzên me û wan koman de derket. Di encamê de çeteyek hatin kuştin û yek din hate girtin. Her wiha gelek çek û ceblixane hatin desteserkirin.

Çekên û cebilxaneya hatine desteserkirin ev in:

3 klaşînkov

1 tivinga birno

12 cercûrên tivingan

6 Telefonên destan

cîhaza pêwendiya satelîtê ya Suraya

4 rext

104 mermiyên klaşînkov

2 cilên leşkerî

2 damance tevî mermiyan

8 mermiyên PKS

28 mermiyên tivinga nêçîrê

Ev operasyon baldariya hêzên me ya ji bo ewlekariya xaka me û berdewamiya operasyonên ewlehiyê ji bo şopandina bermahiyên çeteyan û paqijkirina herêmên me ji her gef û metirsî, piştrast dike.”

(şx)