Kongreya Tevgera Xwendekarên Demokratîk bi dawî bû

Kongreya Duyemîn a Tevgera Xwendekarên Demokratîk bi encamnameyekê û hilbijartina hevserokatiya nû ya tevgerê bi dawî bû.

ROJANE

10 gulan, 2024 21:27

HESEKÊ

2`yemîn Kongreya Tevgera Xwendekarên Demokratîk bi dirûşma "Bi zanist û zanînê em ê xwe bi rêxistin bikin û dagirkeriyê têk bibin" li Hola Serdem a Hesekê hat lidarxistin. Nêzî hezar delege û endama Desteya Serokatiya Partiya Yekitiya Demokratîk (PYD) Foza Yusif tev li kongreyê bûn.

Di kongreyê de Foza Yûsif axivî û endama Tevgera Xwendekarên Demokratîk Sîham Mihemed perespektîfên Rêveber Abdullah Ocalan xwendin.

Piştre endamê tevgerê yê kantona Cizîrê Ehmed Îsamîl rapora salane ya tevgerê xwend û sînevîzyonek li ser xebatên xwendekarên demokratîk hat pêşandan.

Di kongreyê de rêziknameya tevgerê hate xwendin. Li gorî pêşniyar û nêrînên beşdaran hinek bendên wê hatin guhertin û encamnameyek hat derxistin.

Li gorî encamnameya kongreyê; ji bo azadiya fizîkî ya Rêber Abdullah Ocalan mezinkirina têkoşînê, li hemberî tevahî cûreyên zilm û xebateke mezin were meşandin.

Di dawiyê de Jînda Ehmed û Îzedîn Mistefa wekî hevserokên Tevgera Xwendekarên Demokratîk hatin hilbijartin.

(bb)

ANHA