Komîteya Lêpirsîna Navneteweyî têkildarî qetilkirina Elewiyan bi fikar e

Serokê Komîteya Lêpirsîna Navneteweyî ji bo Sûriyeyê Paulo Sergio Pinheiro di dewreya 59’an a Konseya Mafên Mirovan a li Cinêvê hatiye lidarxistin de got valahiya ewlehiyê ya ji ber fexihkirina hêzên çekdar û saziyên ewlehiyê ya piştî hilweşîna rejîma Beşar Esed çêbûye û nebûna edaletê hişt ku atmosfêrek ji bo mexdûrên sûcan ên berê desthilatê wergirin û tesfiyekirina hesaban çêbe.

Pinheiro diyar kir ku tiştê dihêle fikar berdewam bikin raporên der barê berdewamkirina kiryarên qetilkirin û girtinên bêserûber de yên dijî ferdên civaka Elewî û desteserkirina mal û milkên welatiyên ji ber tundiya meha Adarê revîne, ye.

Serokê komîteyê anî ziman ku aloziya Sûriyeyê ji zehmetî û zulmên hundirî bi dûr neket, ku ew jî bi saya destwerdanên derve ye.

Pinheiro kêfxweşiya xwe ji ber vegera zêdetirî milyonek Sûriyeyê ji destpêka Kanûnê ve anî ziman û got 600 hezar ji wan ji dewletên cîran vegerîne û kêmtirî milyonek û nîv koçberên hundirîn hene.

Pinheiro da zanîn ku zêdetirî 7 milyon Sûriyeyî jî hîna penaber in û wê pirsgirêkên wan ên vegerandina mal û milkan werin çareserkirin.

Serokê Komîteya Lêpirsîna Navneteweyî got ruxmî gavên teşwîqker ên rakirina cezayên li ser beşan û derfetên vekirina fînanseyên nû li welat, lê hîna nêzî 16 milyon û nîv Sûriyeyê pêdiviya xwe bi alîkariyên mirovî hene û nêzî 3 milyonan rûbirûyî nebûna ewlehiya xwarinê ne.

(fr)