Koçberên li Kampa Waşûkanî xwepêşandan li dar xist

Koçberên li Kampa Waşûkanî dimînin xwepêşandan li dar xist û daxwaz kir ku berî zivistanê vegerin warê xwe.

ROJANE

26 cotmeh, 2026 16:05

HESEKÊ

Li Kampa Waşûkanî koçberên Serêkaniyê û Til Temirê îro xwepêşandanek bi rêxistin kir. Di xwepêşandanê de rêya Til-Hesekê qut kir û daxwaz kir ku bi lez vegerin warên xwe.

Her wiha xwepêşandêran diyar kir ku ew li kampê gelekî zehmetiyan dibînin, tu rêxistin nema bi wan re dibin alîkar.

Mûsa Mihemed ê ji gundê El Menacîr e û li Kampa Waşûkanî dimîne, anî ziman ku êdî nema rêxistin bi wan re dibin alîkar û rewşa wan zehmet e, zivistan nêz dibe û dema baran dibare ew di bin konên qetiyayî de ne û baran li wan dike. Mihemed daxwaz kir zû vegerin warê xwe.

Cabir Ebdulrehman jî got: "Ez ji gundê El Kêf ê Til Temirê me. Me xwepêşandan li dar xist da ku em zû vegerin warê xwe. Rewşa me zehmet e, dizî zêde bûye, tevlihevî heye û derfetên me yên jiyanê nîn in. Em dixwazin ku karwanên vegere ji hemû koçberan pêk were.”

Mihemed Ebdulrehman ji gundê El Kinêhir ê Til Temirê got: “Em jî dixwazin vegerin warê xwe. Karwanên ku vedigerin tenê ji hinek herêman pêk tên. Berî zivistanê em dixwazin vegerin gundê xwe.”

(np)

ANHA