Ji El Xiznewî bang: Bangên Kurdan pêk bînin

Pêkhateyên bajarê Tirbespiyê ji bo şermezarkirina êrişên dewleta Tirk a dgairker û çeteyên wê li ser herêmê û piştgiriya QSDˋê û banga yekrêziya Kurdî li sûka navendî ya Tirbespiyê çalakiyeke protestoyî li dar xist.

Di protestoyê de Şêx Murşid El Xiznewî axivî û got: "Gelê Kurd ji bo ku bi azadî û rûmet li ser xaka xwe bijî di dirêjahiya dîrokê de fedekariyên mezin dane û li hember van fedekariyan jî xaka wî hat parçekirin."

El Xiznewî wiha got: "Niha jî dewleta Tirk a dagirker hewl dide jinûv siyaseta xwe ya mêtingeriyê û qirkirina gelê Kurd vegerîne. Em ji vir jê re dibêjin ku em yek dest in û gefên wê me natirsînin, berdêl çi dibe bila bibe em ê xaka xwe rizgar bikin."

El Xiznewî bang li cîhanê kir ku piştgiriya QSDˋê bikin û pê de çû: "Ev hêz mafên gelê Kurd û pêkhateyên din ên li herêmê diparêze û piştgiriya wê erkekî nîştimanî, mirovî û exlaqî ye."

Her wiha El Xiznewî bang li partiyên Kurd kir ku bangên gelê Kurd ên yekrêziyê pêk bînin û ji bo misogerkirina mafên wî yên rewa berê xwe bidin Şamê.

Çalakiya protestoyê bi diruşmên "Bijî berxwedana QSDˋê" û"Na ji dagirkeriya Tirk re" bi dawî bû.

(fr)

ANHA